第3章：龙舟队训练（下）

刚刚到达运动场，大家已经差唔多到齐。

「Hey man！」从後叫唤我嘅系气宇轩昂嘅Jerry，Sunny系佢旁边。

我好奇问：「咦？你同Sunny一齐黎嘅？你地之前识得?咩？」Jerry说：「我哋系一个钟头前认识嘅，你呢只仔系好野黎，team training之前唔怕辛苦自己走去做gym，仲好有潜质添。」

我由上至下审视Sunny：「睇真你个身型都唔错，玩咗gym几耐啊？」

Sunny说：「我不嬲打开泰拳，好多年了，间中做gym练下力咁啫。」我记得了，Sunny面试时提过佢系细细个就打泰拳嘅。我恍然大悟说：「喔，间中做gym都有咁好成绩，底子唔错！」

Jerry插嘴说：「你都唔差啊Will副队长，五十步笑百步！」呢个鬼仔，成日用错成语，搞到我哭笑不得：「五十步笑百步唔系咁用?！」Jerry爱理不理说：「Whatever啦！你明我意思就得啦！」

Sunny R晒头、含羞答答咁回应：「两位师兄感情真好。你地太抬举我喇，我有排都追唔上啦！」我拍拍Sunny膊头：「你又唔使咁谦喎，不过话时话，好少中国人鼻梁有你咁高，脸型咁sharp。。。你系咪mix嚟?？」

自上次训练，我已经开始留意Sunny，也许同佢自小接受刻苦嘅泰拳训练有关，佢除左身体fit之外，更予人一种反应敏锐嘅感觉。外表上，Sunny俊朗嘅五官却鬼鬼地，而且肤色似乎与生俱来已经有点黝黑的。

Sunny欣喜地说：「我妈妈系泰国人，所以我系中泰混血儿，屋企系九龙城开拳馆同餐厅。」Sunny嘅背景明显勾起Jerry嘅兴趣：「哗，可以从小free of charge打拳同食泰国野，真系好幸福哈哈！」Sunny说：「嗯，欢迎随时黎探我呀！到时请大家大擦一餐！」性格开朗又真挚，Sunny呢个仔颇讨人欢喜。

我见时间差不多，拍拍手说：「好啦，人齐啦嘛，大家过来集合先！」

八个运动健将乖乖咁企喺我同Jerry面前。新一代发育普遍都几好，八人整体而言亦颇高大。要观察一个人有无做运动就要留意小腿。在场每个人小腿线条都唔错，冇乜fat，睇得出都系有运动习惯嘅年轻人。

老实讲，对於训练新人呢个任务，初任副队长嘅我仍然有点紧张。我乾咳一声，认真地说：「上次大group training大家都表现合格，特登约大家今日出嚟，就系想进一步了解大家嘅实力，同埋train下大家体能。我身边呢位系rugby team嘅队长Jerry，佢哋嘅地狱式体能训练，系学界有名嘅。我同Jerry倾过，拣左一啲适合龙舟嘅训练方法，今日比大家试。今日会好严格，各位唔好有侥幸嘅心理。明唔明白？」

有些人回答「明白」，有些人则点头。

我正转头望向Jerry，却见佢皱紧眉头，大喝一声：「副队长问你地问题呀！聋?？明唔明白？」

Jerry突然变脸，八人显得十分愕然，顿时令气氛紧张左好多。佢哋体会到训练唔洗玩泥沙，一齐肃穆地回答：「明白！」很好，呢个就系我想要嘅效果，但我始终唔擅长呼喝人。先前我同Jerry商量过今日嘅trainihod，我哋之间已有共识，今晚由佢主持。

「全部同我除衫！件衫只会阻住汗水蒸发！」虽然部份人眼神有啲疑惑，但听到Jerry富有权威嘅指令，始终唔敢拖延，迅速脱下上身衫。

八个精壮嘅男孩蓄势待发。

Jerry稍微降低声量，但不减威严，说：「龙舟队唔系求其一个人都可以join嘅，我要睇下你哋有冇资格留低！即刻同我做30下burpee，休息10秒，然後再嚟30下！」Burpee系一个bo动作，八人立即伏在地上做一次掌上压，然後原地跳高。表面上好简单，但其实全身嘅肌肉都用晒，体能、心肺、平衡欠佳的话一看就知。冇运动习惯嘅人基本上做10下就会投降，依家就系要睇下佢哋承受到几多。

本章尚未完结,请点击下一页继续阅读---->>>