感谢嘅样子说：「不过，开始访问之前，想同大家介绍一下我地杂志老板。」

Carol身後嘅男士踏前，稳重地同我地逐一握手：「大家好，我系Sports Agenda嘅创办人，你地可以叫我Edwin。」

大家从Edwin手上取得卡片时，心里都疑惑，究竟杂志老板亲临所为何事。

「咦？」Edwin刚刚把一张卡片给了Jerry时，奇怪地说：「呢位朋友好熟口面... 你系咪玩rugby?？」

Jerry眉头一扬：「系呀，我叫Jerry。我哋系咪喺某啲occasion见过面？」

Edwin想了片刻，然後恍然说：「噢！你就系Jerry！榄球总会嘅人同我提起过你，话邀请过你入香港代表队，但当时就婉拒咗，话要毕咗业先考虑。」

在场众人无一不感到诧异。能够进入香港代表队，系好多运动员嘅追求，意义重大，但连我呢个室友都从未听过呢件事。唯独Jerry若无其事地说：「呢啲迟啲再讲啦，我想带好大学条team先。」

拒绝进入香港代表队嘅原因，居然系因为要带大学嘅榄球队？两者之间嘅层次有着天渊之别，根本不能相比。可是，细想一层，或许Jerry真系比较喜欢大学生活也不出奇。总之，有机会一定要问清楚佢。

Edwin微笑没有再追问，然後便转向我问：「呢位系？」

我正想回答「其实我不过是路人甲而已」之际，Sunny便抢先代我说：「呢位系William，系我大学龙舟队嘅副队长。呢几个月来，除咗返拳馆练拳之外，我主要就系跟Will同Jerry做training，佢地真系帮咗我好多。」

「I see，原来系玩龙舟嘅，唔怪得啦。」Edwin没有说明究竟「唔怪得」意指什麽，眼神则露出欣赏嘅目光。

「我今日跟Carol嚟呢度，除咗采访之外，其实仲有另一个目的。」简单介绍过後，Edwin便转入正题，也是各人心目中嘅问题。「我搞运动杂志嘅初心，就系想大众有多啲机会认识香港嘅运动员。如果连香港人都唔识得香港运动员，甚至完全唔理解不同嘅运动，我哋又点靠香港政府支持本地运动员呢？」

每一期的Sports Agenda，都会访问一些全职和业余运动员，让读者了解到不同类型嘅运动员训练嘅心路历程。作为一个玩开运动嘅人，不得不说访问水准普遍十分高，我每次看都有所启发。现在由杂志老板亲自讲述创办杂志嘅目的，使我更加佩服。

「杂志上咗轨道，我下一个计画就系开创一个香港运动服装品牌，我同Carol身上嘅就系呢个品牌嘅product。」Edwin嘅目光扫过我、Jerry和Sunny三人，声线中藏着一份兴奋雀跃，说：「我最近正在为品牌物色本地年轻运动员担任代言人，亦系为此而黎睇比赛，估唔到今日收获会咁丰富。」

对方嘅来意不言而喻，但依然有点难以相信。Jerry则好像代表我地般追问说：「你意思系，你想搵我地做你个brand嘅代言人？」

Edwin笑着点头：「你地三个嘅形象同背景，非常符合我心目中嘅理想代言人。如果你地有兴趣嘅话，可以夹时间上摄影师studio影相试镜。」

我地三人睁大双眼，惊讶地互相看着对方。

。。。。。。。

「到喇！到喇！系呢度喇！」走在前方嘅Sunny兴奋地大喊。虽然刚才喺便利店买咗把遮，但呢场雨实在太大了，有无遮都分别不大，我地三个已然全身湿透，好不狼狈。

摄影师嘅studio位於葵涌一栋工厂大厦里。我地本来就唔熟呢区，加上一场暴雨，结果花了更多时间才到达，迟到了。

陈旧嘅工厦升降机门徐徐打开，没想到迎面嘅居然系Edwin！贵为品牌创办人，居然亲自来到studio看我们试镜，足以反映Edwin对此多麽重视，也让我们对迟到更感内疚。

「唔紧要，最紧要系大家安全到达。」看着上气不接下气嘅三人，Edwin平和地微笑说：「你地快啲入去先啦，designer会教大家点做?喇。」

《第8章：一丝不挂（上）》完

今次的焦点多放在Sunny身上，因为我也不想Will和Jerry外的其他角色沦为背景般的存在。我也想他们在故事的发展里多点参与。

另外，很多读者都期望多点Will和Jerry的互动，也有不少人问Alvin和Will会否有感情发展。我想，现阶段我可以说的是：Will和Jerry之间的互动一定继续会有的，可是短时间内不会立即一起。

不过，一切仍在构想中，大家有任何意见就提出吧！一个人想到的非常有限，能多了解大家的想法，对我写作系很有帮助嘅。

至於点解呢两章叫做《一丝不挂》，就要留意下一章喇。我已经动手开始写了，希望下星期可以更新啦～

本章已阅读完毕(请点击下一章继续阅读!)