「Sunny，千祈...... 千祈唔好同我屋企讲。」神色凝重的Jerry吩咐我说。

发生咁大件事，点可以唔同屋企讲？我欲言又止，但Jerry则眼神坚决，坚持我要答应。未免增加佢心理负担，我暗叹了一口气，无可奈何地点头说：「OK，咁Will呢？」

Jerry想了片刻：「好。」

Jerry先被扑咗一棍，然後全力反扑，即使被插一刀，仍能用上余力击倒最後的敌人。

经过大量消耗，终於也不支晕倒了。

========

「阿Sir，呢个就系事件经过喇。」

警察将我所讲嘅嘢全部记录低，而Will则静静地坐喺我旁边听着。

Jerry入咗手术室後，我都好挣扎。一方面佢叫我唔好通知屋企人，另一方面，事态严重，又冇可能唔同人讲。幸好，进退两难之际，我联络上刚刚回港的Will，佢马上赶来医院。有佢喺度，我都镇定好多。

「好，你睇一睇份口供，冇问题就签名啦。」警察将笔记簿递给我，然後关顾地说：「下次唔好咁冲动，记得报警啊。」Will在旁点头，表示同意。

我正在检查笔记，Will关切地问：「其实，警方知唔知道嗰几个系咩人嚟?？点解要打我两个朋友？」

警察叹了一口气，说：「我哋估计果两个男人系毒品拆家，而个女仔系有毒瘾嘅，应该系佢哋嘅客，约咗交收毒品。点知你地两个就以为个女仔系受害者就跟住人地，搞乱晒人哋个档，人哋咪打你罗。」

我同Jerry一心一意谂住帮人，都无谂到背後原来咁复杂。我读完整份口供，签了名，将本簿比番警察：「阿Sir，咁我地上去病房搵番个朋友先喇。」落紧口供嘅时候，护士同我地讲，话Jerry已经完成手术，上咗病房，可以上去探佢。

「OK，之後警方会再联络你的。」

适逢流感高峰期，急症室挤满了病人，男女老幼，连囚犯都有几个。人声鼎沸，医疗人员极之繁忙，场面也有点混乱，病人唯有默默等侯。我望一望分流站旁边的指示牌：非紧急的病人，居然要等成9小时。幸而Jerry的情况属於危急，马上便获安排照料。

上到普通病房，我地终於见到眉头深锁的Jerry，佢双眼依然闭着。一般探病时间已过，病房里的灯亦已关了一大半。病床前的小黄灯是主要的光源，和暖地照亮着Jerry。

我怕惊动到佢，柔柔地说：「Jerry，我哋嚟睇你啊。」

Will忽然失笑：「你讲到佢好似死咗咁。」

我轻轻傻笑，然後听到Jerry闷哼一声，没头没尾的呢喃：「Will，你......嚟......」

Jerry似乎已察觉到我地喺度，但无奈佢声线实在太弱了，连一句完整的句子都听不到。

Will俯身靠喺Jerry旁边：「你话咩话？」

「我......你.......」

Jerry气若游丝，Will唯有把耳朵靠在Jerry嘴边，好听清楚。

「Will......」

我和Will全神倾听，尝试理解Jerry碎成片段的话语。

呢个时候，Jerry却突然睁大双眼，飞快地往Will的脸庞送上一吻。

Will完全没料想佢竟有如此举动，一时竟怔住了。一反刚才无气无力的表现，Jerry脸上虽然泛白，但居然浮现一丝奸计得逞的笑容。

「你终於返嚟喇。」

《第15章：亲如手足（中）》

多谢大家耐心等候。

有读者问我，锺意Will定Jerry多啲。

呢个问题真系好难答，但我可以同大家讲，我写Jerry嘅时候的确有时会欲罢不能，结果要提醒返自己，要留返多啲篇幅比Will。可能因为Jerry比较随性，又可以写得大胆一点吧。至於Will，佢尚未完全「醒觉」。呢个过程点样写，我已经有一些想法，我也十分期待啊，哈哈。

本章已阅读完毕(请点击下一章继续阅读!)